Құрметті әріптестер!

Жоғары қазақ – түрік  гуманитарлық - технологиялық колледжі (ЖҚТГТК) 2006 - 2007 оқу жылынан бастап XVI - «Қазақстан – Түркия достық және бауырластық нышаны» атты халықаралық колледжаралық және мектепаралық олимпиада өткізіп келеді.

Дәстүрге айналған бұл мәдени іс – шара 2023-2024 оқу жылында 29-шы мамыр (дүйсенбі күні) Қазақстан Республикасының Президенті Қасым – Жомарт Кемелұлы Тоқаевтың сөйлеген сөзі бойынша «Қазақстан мен Түркия – тамырлас, бауырлас, достас мемлекеттер» тақырыбында өткізілмекші.

Колледжаралық олимпиада сағат 09:00 – 13:00 аралығында өткізілсе, мектепаралық болғаны сағат 14:00 – 18:30 аралығында өткізіледі.

Олимпиаданың мақсаты:

• дәстүрге айналған XVI –шы рет ұйымдастырылып отырған олимпиаданың негізгі мақсаты Қазақ - түрік елдерінің сондай-ақ, түрік әлемінің шынайы достық нышанын дәріптеу; 

• қазақ және түркі тектес ұлттар арасындағы бауырластық, ғылым мен мәдениет қарым- қатынастарын нығайту;

• еліміздің тәуелсіздігін алғашқы таныған дос және бауыр өлке Түркия мен оқу, ғылым және мәдениет қарым – қатынастарының, тегі бір қазақ – түрік халықтарының ежелден қолдауын тауып келген туыстық пен бауырлық байланыстарын күшейту, дарынды қабілеті мол балаларды анықтау және оларға қолдау көрсету;

• ортақ мәдениет пен ұлттық құндылықтарды жас ұрпаққа жеткізу;

• мектеп оқушылары мен колледж студенттерінің оқу процесінде алынған теориялық және тәжірибелік білімдерін тереңдету;

• cтуденттермен оқушыларға болашақта таңдау мамандығына қызығушылықтарын және оның әлеуметтік маңыздылығын ұғындыру. ЖҚТГТК-нің мәртебесін көтеру, халықаралық байланыстарын арттыру.

Міндеттері: 

• студенттер мен оқушылардың Қазақстан мен Түркия мемлекеттерінің Достық және бауырластық байланыстары туралы мәлімет беру;

• екі ел арасындағы білім көпірлерінің болып отырған Жоғары қазақ - түрік гуманитарлық- технологиялық колледжінің бағындырған жетістіктері туралы мәлімет бере отырып, әлі де талай белестерді бағындырар айқын екендігін мәлімдеу;

• білім алушылардың биік шыңға талпынуда алғашқы қадам жасаулары үшін бойларында қандай қасиеттер болуы керек, неге бейімделу қажеттілігінен хабардар ету;

• жеке тұлғаның сапалық қасиеттерін арттыру және олардың дүниетанымын кеңейту;

• білім алушылардың терең білім алу жолында үздіксіз еңбектенуге, отансүйгіштікке, адамгершілікке, еңбекқорлыққа тәрбиелеу және өз мамандығын дұрыс таңдай білуіне дұрыс бағыт-бағдар беру;

• Қазақ – Түрік мәдениетінің қайнар көздерін өскелең  жас ұрпаққа түсіндіру.

Мәдени іс – шара - қазақ, түрік, ағылшын, орыс тілдерінде жүргізіледі.

Тіркеу:  08.00-08.30

Іс- шараға қатысу үшін aktgtk309@mail.ru  электронды поштасына өтінім 2024 жылдың 26-шы мамырына дейін жіберілуі керек.

МӘДЕНИ ІС – ШАРАНЫҢ БАҒДАРЛАМАСЫ:

1. Ашылу салтанаты, протокол сөздер;

2. Сайыс

   1. Таныстыру (колледж бен команданы, регламент 5-7 минут);

2.2. «Қазақстан – Түркия достық және бауырластық нышаны» атты тақырыпта (мәдениетін, салт-дәстүрін көрсету, аталған тақырыпта жоба қорғау, жобаны қорғау регламенті 5 – 7 минут, жобаның көлемі 10 слайдтан аспау керек) – 1 қатысушы;

      2.3. «Білімді мыңды жығар» атты мәдени тақырыпта сұрақ – жауап, командалық қатысу;

2.4 Өнер көрсету (ән, би, көрініс көрсету)

III. Қорытынды: марапаттау, сертификат тапсыру 

Марапаттау: 

Жастарды ғылым мен мәдениетке ынталандыру мақсатымен мәдени іс - шараға ұсынылған қатысушылардың өнеріне ең үздік деп танылғанына  жүлделі орындар беріледі және арнайы номинациялармен (сыйлықтар) марапатталады. Марапатталған студенттер мен оқушылардың жетекшілеріне Алғыс хат пен сертификаттар беріледі.

Жүлделі орындарға ілікпеген оқушылар мен студенттерге қатысқаны  үшін сертификат беріледі. 

Марапаттаулар, атап айтқанда:

• Колледжаралық олимпиаданың жеңімпаз (бірінші орын) колледжге ұсынған 3 талапкерге оқу төлемақысына (1 оқу жылы үшін) 50 % жеңілдік; 

• Екінші орынды иеленген команда колледжге ұсынған 3 талапкерге оқу төлемақысына (1 оқу жылы үшін) 25 % жеңілдік;

• Үшінші орынды иеленген команда колледжге ұсынған 3 талапкерге оқу төлемақысына (1 оқу жылы үшін) 15 % жеңілдік;

• Олимпиадаға қатысқан басқа командалар колледжге ұсынған 3 талапкерге 10 % жеңілдік;

• Мектепаралық олимпиаданың жеңімпаз (бірінші орын) командасына (5 оқушы) оқу төлемақысына (1 оқу жылы үшін) 50 % жеңілдік; 

• Екінші орынды иеленген командаға (5 оқушы)  оқу төлемақысына (1 оқу жылы үшін) 25 % жеңілдік;

• Үшінші орынды иеленген командаға (5 оқушы)  оқу төлемақысына (1 оқу жылы үшін) 15 % жеңілдік;

• Қатысушы  басқа командаларға 10 % жеңілдік.

Ұйымдастырушы: Жоғары қазақ  - түрік гуманитарлық - технологиялық колледжі

Мекен-жайымыз: Алматы қаласы, 050026,  Қазыбек-би көшесі, 168.

Байланыс тел:  8 (727) 379 – 80 – 83, ұялы тел.: – 8 707  961 09 81 Алдажарова Арай

                                                                                8 747 844 92 05 Аккожина Шолпан

                                                                                8 707 365 33 42 Ахмеджанова Майнұр

Е-mail:  aktgtk309@mail.ru

Колледж сайты: zhktgtk.kz

Instagram: zhktgtk_college

Facebook: https://www.facebook.com/profile.php?id=100085959798888&mibextid=ZbWKwL